|
As festas de San Roque chegan ao ecuador mañá, mércores, xornada na que o Festaclown desprega alegría, acrobacias, humor e maxia por toda a cidade cos seus espectáculos sociais, para os Superroquiños e para o público familiar en xeral. Os pasacalles dos grupos de gaitas Xirifeiros e Froallo ambientarán o centro da vila ata chegada a noite, momento no que o carrilexo Cristian Silva ofrecerá o primeiro dos concertos deste ano, un espectáculo no que o gaiteiro estreará o primeiro single do seu segundo traballo discográfico “Lobo Estepario”, que está a piques de publicar, e interpretará os do seu primeiro EP “Ego”. O concerto será ás 23:00 horas no Parque da Xunqueira e a entrada é de balde. |
