 Observaciones |
|
|
A Festa da Cervexa, ou Oktoberfest, é unha das máis coñecidas festas alamanas. Con douscentos anos de tradición, chega agora a Vilagarcía da man do club de rugby Os Ingleses, que deste xeito pretende recadar fondos para o mantemento dos seus equipos.
Ao longo de catro días, o público, ademais de poder degustar as típicas especialidades culinarias xermanas e distintos tipos de cervexa, tamén poderá gozar de música tradicional, xogos de animación e concursos como os de forza, de comer salchichas de medio metro ou o de carreiras de barrís.
Será na Rúa García de Caamaño (nas inmediacións da ponte de Vista Alegre). Os horarios de apertura da carpa serán o mércores de 20 a 02.30 horas; os restantes días de 13 a 2:30 horas. |
