 Observaciones |
|
|
O XI Memorial Miguel Ángel González Estévez de baloncesto feminino está organizado pola AD Cortegada en colaboración coa Fundación Municipal de Deportes. Dezaseis equipos infantís femininos de España e Portugal competirán no evento que inclúe un triangular masculino da mesma categoría.
A competición estrutúrase en dous torneos. O Memorial propiamente dito, no que competirán oito equipos de primeiro nivel, e o torneo paralelo no que xogarán outros oito equipos dun segundo nivel. Ademais do anfitrión, o Grupo Junquera Cortegada e a ADC Carril, os clubs que toman parte no memorial son o Xuven (Cambados), o Extrugasa Río Ulla (Pontecesures), o CB Meco (O Grove), o CB Noia, CB Cluny (Santiago), os Filipenses (Palencia), Tres Cantos (Madrid), Pontumio (Pontedeume), Arxil (Pontevedra) e Carmelitas A e Carmelitas B (Ourense).
No triangular masculino infantil participarán o BBC-Liceo de Vilagarcía, o Xuven de Cambados e os Filipenses de Palencia. |
