 Observaciones |
|
|
FUNCIÓNS ás 18.00 e ás21.00 horas.
“Recortes, caneos e outras formas de driblar” recrea un de tantos partidos de fútbol do século a través do comportamento de xogadores, adestradores, xornalistas, directivos, árbitros, seareiros e demais personaxes principais, secundarios ou figurantes que conforman o espectáculo futbolístico.
O Centro Dramático Galego e Ainé unen forzas para levar ás táboas un texto de José L. Prieto, a partir dun traballo xornalístico de Nacho Carretero sobre o mundo do fútbol e todo o que o rodea, coa dirección de Tito Asorey. Un paseo lúdico, crítico e musical sobre o espectáculo futbolístico que percorre a súa cara máis radiante sen esquecer a máis sombría.
Interpretada por Xosé A. Touriñán, Manuel Cortés, Christian Escuredo, Xoán Fórneas,
Isabel Garrido e Sergio Zearreta, “Recortes” é unha viaxe emocionante ao interior das
paixóns futbolísticas a través do humor e a música.
Con músicas orixinais compostas por Vadim Yukhnevich, “Recortes, caneos e outras formas de driblar” conta coas coreografías de Mónica García, a iluminación de Laura
Iturralde, a escenografía de José Faro, 'Coti' e o vestiario de Laura Baena. Rosa Moledo é a encargada do asesoramento lingüístico e os deseños son obra de Artur Galocha.
|
