CONCELLO
Fundación Deportes, Escola de Música e Conservatorio concorren ao POS 18 para o financiar gastos correntes Como xa fixera o pasado ano, o Concello de Vilagarcía concorrerá aos fondos do Plan Provincial de Obras e Servizos (POS) 2018 co obxecto de financiar parte do gasto corrente da Fundación de Deportes, a Escola Municipal de Música e o Conservatorio Profesional de Música. En total son 33.681 euros a suma solicitada á Deputación a través da liña 2 da convocatoria relativa ao financiamento de amortización, pagamento de débeda e gastos correntes.
19.02.2018.- Para o Conservatorio demándase unha achega de 18.181 euros co obxecto de contribuír ao financiamento dos custes de limpeza das instalación e do consumo de enerxía eléctrica, e para a Escola de Música outra de 9.500 para gastos de limpeza. Finalmente, para a Fundación de Deportes solicítanse 6.000 euros que terán como obxectivo financiar parte do gasto por consumo de enerxía eléctrica das instalacións deportivas.