VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
O Concello proxecta a mellora do firme dos accesos ao polígono industrial de Trabanca Badiña
No marco das obras de mellora e mantemento da rede viaria municipal, o Concello ten previsto actuar nos accesos ao polígono industrial de Trabanca Badiña. Por encargo da Concellería de Obras redactouse un proxecto de mellora da capa de rodadura dos viais de acceso nun interior do parque que,a demais, ampliarase. A actuación está presupostada en 85.692 euros e o Concello confía en contar para o seu financiamento cunha axuda da Consellería de Economía, Emprego e Industria.

01.03.2018.- O proxecto redactado polo Enxeñeiro Técnico Municipal prevé actuar no vial que vai dende a rotonda das Mans (Larsa) ata a rotonda de acceso ao polígono de Trabanca Badiña. Xa dentro no parque empresarial tamén se actuará non primeiro tramo do vial principal e ampliarase a rede interna co asfaltado do vial interior que comunica co outro acceso ao polígono.

A necesidade d elevar a cabo esta obra ven dada polo desgaste da actual capa de rodadura destas vías que contan con numerosas fendas e fochas que dificultan o tránsito e o acceso ao polígono. Ademais, hai que ter en conta que a situación se agrava moi rápido debido ao intenso tráfico pesado que soporta esta estrada e que se dirixe ás empresas instaladas na zona.

A actuación incidirá na mellora da seguridade viaria e beneficiará aos habitantes de Trabanca que usan esta vía como aos usuarios do parque empresarial.

A Xunta Local de Goberno xa aprobou solicitar á subvención autonómica ao abeiro das axudas convocadas pola Consellería para a “Habilitación e mellora das infraestruturas dos parques empresariais da Comunidade Autónoma de Galicia” e que contempla financiar ata un máximo do 80% do custe do proxecto. O Concello achegaría a parte restante.

< volver

+ titulares