VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Comezan os preparativos das praias previos á temporada de Semana Santa
O concelleiro de Obras e Servizos, Lino Mouriño pechou onte o dispositivo de limpeza e acondicionamento das praias do municipio de cara á temporada de vacacións de Semana Santa. Como se fai todos os anos, o servizo de Limpeza e de Medio Ambiente encargaranse da posta a punto dos areais da Concha-Compostela, Covacha- Portugalete (Carril), Campanario (Bamio), O Preguntoiro e Canelas (Vilaxoán). As tarefas iniciáronse hoxe e continuarán nas vindeiras semanas.

07.03.2018.- Os primeiros traballos a realizar, e que comezaron esta mesma mañá, consistirán na retirada dos residuos mariños que o temporal de sur dos últimos días arrastrou cara o fondo da Ría, é dicir, principalmente cara as praias da Concha-Compostela e Covacha-Portugalete, en Carril. A limpeza realizarase de forma gradual: primeiro retiraranse as algas e residuos orgánicos, nunha segunda pasada, os plásticos e outros materiais de residuo e, finalmente as máquinas aplicaranse no cribado da area para eliminar os residuos de menor tamaño. Estas últimas labores repetiranse durante a Semana Santa.

Por outro lado, o persoal de Medio Ambiente, xa está a revisar todos os servizos dos areais (pasarelas, duchas, lava pés, fontes, aseos…) co obxecto de determinar os arranxos que sexa preciso realizando ou o material que haxa que repoñer, de xeito que estea todo no mellor estado posible durante a temporada vacacional.

< volver

+ titulares