VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

SEGURIDADE CIDADÁ
O alcalde pide aclaracións á subdelegación do Goberno sobre a taxa de criminalidade e demanda máis Policía
O alcalde de Vilagarcía, Alberto Varela desprázase mañá a Pontevedra para pedir explicacións á subdelegada do Goberno, Ana Ortiz, polas cifras da última taxa de criminalidade da cidade publicada polo Ministerio do Interior e que pon a Vilagarcía coas cifras máis elevadas de toda Galicia. O rexedor socialista pretende que se lle aclaren estes datos tendo en conta que contradín as mensaxes que os diferentes subdelegados do Goberno viñan trasladado de forma reiterada ao Concello e publicamente dende hai anos. O alcalde acudirá ao encontro coa Subdelegada xunto coa Xefa da Policía de Vilagarcía.

13.03.2018.- Independentemente das explicacións que se dean desde o organismo e que se supoñen irán na liña das adiantadas en diversos medios polo propio Delegado do Goberno en Galicia, Santiago Villanueva, matizando as cifras e chamando á tranquilidade, o alcalde, como xa o fixera a finais de 2015 ante o anterior subdelegado, Antonio Coello, volverá a demandar máis axentes para a Comisaría do Corpo Nacional de Policía en Vilagarcía que, dende hai anos, adoece dos efectivos necesarios para unha cidade cunha poboación de case 38.000 habitantes e que se multiplica en verán.

Varela insistirá en que o esforzo que está a facer o Concello en ampliar a plantilla da Policía Local (coa creación de 3 novas prazas o ano pasado máis outras 3 previstas este ano) debe acompañarse con medidas similares por parte do Ministerio do Interior tal como demanda a poboación e o propio persoal e sindicatos da Policía.

< volver

+ titulares