VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
Saíñas gaña en seguridade e imaxe tras a demolición da estrutura dun edificio inacabado
A deteriorada estrutura dun edificio inconcluso que durante anos ensombreceu a imaxe da Rúa Almirante Fontán, na vilaxoanesa zona de Saíñas, xa non existe. Os traballos de demolición iniciados a semana pasada polo Concello xa remataron e os terreos quedarán totalmente libres de escombros nos vindeiros días. O Concello promoveu esta actuación co obxecto de recuperar a parcela municipal para o goce dos veciños e rexenerar a zona.

17.03.2018.- A estrutura de formigón levantada hai anos e que nunca chegou a acabarse era un claro exemplo de feísmo urbanístico que degradaba considerablemente a imaxe desta rúa de Vilaxoán. Pero ademais, debido ao seu mal estado, á presenza de ferros ao descuberto e de buracos nas placas, representaba un perigo para os nenos e nenas que xogan na zona.

Os traballos de demolición financiáronse a través do Plan Concellos da Deputación do ano 2017 cun orzamento de 39.000 euros. Unha vez rematados e cos terreos xa despexados, o goberno estudará o tratamento final que se dará á zona para que lle dea o mellor uso posible aos veciños do barrio.

< volver

+ titulares