VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O alcalde participará no encontro da directiva de AMUPARNA coa Secretaria de Estado de Turismo
O alcalde de Vilagarcía, Alberto Varela, desprazarase mañá a Madrid para participar na reunión da Xunta Directiva da Asociación de Municipios con parques Nacionais (AMUPARNA) e no posterior encontro que a entidade manterá coa secretaria de Estado de Turismo a efectos de demandar do Estado financiamento para actuacións nos territorios naturais protexidos. O rexedor aproveitará a estancia en Madrid para adiantar as xestións para a cesión de material para o Museo do Ferrocarril da cidade.

20.03.2018.- A axenda de Varela Paz comeza mañá pola mañá coa asemblea da Xunta directiva de AMUPARNA, da que é membro por contar Vilagarcía coa illa de Cortegada, territorio integrado no Parque Nacional das Illas Atlánticas. Trátase dunha reunión preparatoria para que a executiva de AMUPARNA manterá pola tarde coa secretaria de Estado, polo que nela se recollerán as aportacións e necesidades dos municipios que posteriormente se trasladarán á responsable estatal. A intención da asociación e buscar maior compromiso de financiamento por parte do organismo que dirixe Matilde Asían González nun momento no que o Goberno Estatal aínda está pechando os orzamentos para 2018.

O xoves, o alcalde e o concelleiro de Turismo, Juan Antonio Pérez Callón, acudirán ao Museo Nacional do Ferrocarril en responderá a invitación realizada polo seu director, Carlos Abellán, durante a visita que fixo a Vilagarcía hai unhas semanas. Como xa se avanzara no seu día, o obxecto deste novo encontro é ver os fondos do museo madrileño a efectos de ir concretando o material este podería ceder para ampliar os contidos do centro museístico de Vilagarcía, emprazado na antiga estación de Carril.

< volver

+ titulares