VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
A fachada do Concello ilumínase de azul toda a semana para concienciar sobre o autismo
Como ven acontecendo dende hai uns anos, o Concello de Vilagarcía súmase aos actos do Día Mundial da Concienciación do Autismo que se conmemora cada 2 de abril. Coincidindo con esta data, a fachada do consistorio iluminouse onte de azul, cor que simboliza a causa de dar a coñecer este tipo de trastorno e facer visibles de forma inclusiva ás persoas que o padecen. A iluminación conmemorativa manterase toda a semana.

03.04.2018.- O goberno local tamén protagonizou onte un acto simbólico no Concello no marco da campaña conmemorativa do 2 de abril que está a desenvolver a asociación BATA de tratamento do Autismo para reivindicar á sociedade que se rompan as barreiras do autismo para facer unha sociedade accesible.

O pasado mes, o Concello en colaboración con BATA procedeu á sinalización de todas as dependencias e servizos municipais con pictogramas para favorecer o desenvolvemento das persoas que padecen autismo nos centros públicos de titularidade municipal. Colocáronse carteis no edificio principal de Ravella, no Auditorio, Casa de Cultura e pavillóns de deportes, entre outras instalacións públicas.

Ademais, o Concello de Vilagarcía ten subscritos convenios con BATA para favorecer a inserción socio laboral dos seus usuarios a través dunha brigada que realiza prácticas co servizo municipal de Xardíns e do servizo de reparto de cartelería os actos que promove e organiza a administración municipal.

< volver

+ titulares