OBRAS E SERVIZOS
O Concello prevé ampliar o saneamento e dotar de alumeado á rúa Veiga da Aldea, en O Vento O Concello de Vilagarcía xa ten proxectada unha nova actuación no rural. Neste caso trátase da ampliación da rede de saneamento e da dotación de alumeado público á rúa Veiga da Aldea, no lugar do Vento, parroquia de Cea. Con este proxecto o Concello atende unha demanda dos veciños da zona e continúa estendendo os servizos básicos a novas zonas do rural. A actuación precisará dun investimento de 136.733 euros.
01.05.2018.- O goberno local xa dou o primeiro paso para atender esta petición dos veciños coa redacción do proxecto á que xa se lle dou o visto bo na Xunta Local de Goberno. A actuación prevé a instalación dun novo colector de saneamento a conectar á rede xeral e que permitirá dar servizo a unhas vivendas da zona. Ademais, este novo colector permitirá aliviar o caudal de augas que movía o bombeo de Loenzo, posto que as augas negras que se recollan con esta nova instalación xa non irán a parar aí, senón que se derivaran por gravidade cara os colectores xerais que discorren pola estrada PO 305 (subida ao Pousadoiro polo Vento).
O proxecto prevé ademais a instalación de alumeado público na rúa veiga da Aldea, que ata agora carecía deste servizo. Instalaranse báculos de 7 metros de altura con iluminación led, cada 30 metros.
A actuación inclúe a construción de pozos de rexistro, tanto do saneamento como eléctricos, instalación de novas canalizacións e cadros eléctricos.