VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Ibuprofeno Teatro galeguiza a Shakespeare co seu particular “Casa o Rei”
O teatro regresa esta fin de semana ao Auditorio Municipal da man da compañía Ibuprofeno Teatro quen nesta ocasión atrévese nada menos que a galeguizar “O Rei Lear” William Skakespeare para transformalo na súa fantástica “Casa do Rei. A obra represéntase o sábado, a partir das 21.30 horas no Auditorio e a entrada custa 5 euros.

24.05.2018.- Con "Casa O'Rei" Ibuprofeno Teatro completa a súa triloxía gastronómica, xunto con "O Furancho" e "Raclette". Este texto de Santiago Cortegoso propón un xogo escénico e dramatúrxico a partir de "O Rei Lear" de Shakespeare, ambientado nunha típica casa de comidas galega.

Sinopse
Manolo Rei, vello e enfermo, prepara un cocido e reúne a familia. A comida sempre é unha escusa. Desta vez para repartir a Casa entre as súas tres fillas. Pero o cocido sáelle cargado de traizón e desprezo, intragable polo amargor dun mundo novo, acedo e descoñecido, que trae do estranxeiro unha morte preconxelada e adobada con fel. O tempo, o destino e o Burger King son implacables coa sorte dos mortais que non saben seleccionar os ingredientes axeitados para elaborar as recetas da súa vida.
Elenco de luxo
Escrita e dirixida por Santiago Cortegoso, gañador do Premio Álvaro Cunqueiro para textos teatrais e do María Casares ao mellor texto orixinal por Raclette, esta nova proposta xunta un bo número de profesionais de prestixio: á presenza no reparto de Miguel Borines, Victoria Teijeiro, Marián Bañobre, Teté García, Víctor Mosqueira e Xosé M. Esperante, súmase a banda sonora de Alonso Caxade ou a escenografía de Pablo Giráldez ‘Pastor’.

A representación inclúese no ciclo da Rede Galega de Teatros e Auditorios programado a través da colaboración do Concello e a Agadic.
As entradas pódense adquirir anticipadamente (máis custes de xestión) a través de ticketea.com e do teléfono 902 044 226. Tamén o mesmo día da función a partir das 19:30 horas no Auditorio.

< volver

+ titulares