CONCELLO
O camiño entre a igrexa e Rubiáns de Arriba dispón xa de novo alumeado público O Concello de Vilagarcía rematou hai uns días os traballos de renovación do alumeado público do camiño que vai dende a igrexa de Rubiáns (a partir do cemiterio) ata Rubiáns de Arriba. Os traballos foron realizados con man de obra municipal e financiados polo Concello e suporán unha importante mellora na calidade da iluminación desta vía.
30.05.2016.- A actuación afectou aos 17 puntos de luz existentes no mencionado tramo e consistiu na substitución das antigas luminarias de mercurio por outras máis modernas de vapor de sodio. Ademais, as novas lámpadas, de 150 vatios, dispoñen de maior potencia, que as anteriores, de 80.
Esta obra enmárcase na lista de actuacións que o Concello de Vilagarcía está a levar a cabo en distintas zonas do rural vilagarciá.