_ Buzón do Alcalde Trámites Administrativos Turismo Enlaces
4O CONCELLO
:VILAGARCÍA TURISMO:
_LA CIUDAD
_THE CITY
CONCELLO
O asesoramento pola regularización catastral sáldase con 719 consultas atendidas e 82 alegacións tramitadas

O servizo extraordinario de asesoramento posto en marcha polo Concello para informar e asesorar aos afectados polo proceso de regularización castastral deuse por finalizado a semana pasada cun saldo de 719 atencións a propietarios afectados e coa tramitación de 82 alegacións. Os dous técnicos contratados polo Concello para levar a cabo as labores de asesoramento deixaron de traballar o semana pasada ao non haber demanda de máis afectados. De feito, os dous últimos días xa non se reservaran citas.
13.06.2018.- O servizo de información sobre o proceso de regularización catastral promovido polo Ministerio de Facenda púxose en marcha o 23 de abril con atención ao público tres días á semana, un en horario de mañá e tarde e outros dous só de mañá. A principios de maio, en vista do elevado número de citas reservadas e ao escaso marxe de tempo que daba o Ministerio para alegar, ampliouse o horarios a xornada completa os tres días.

Este servizo púxose en marcha por decisión do goberno local para facilitar aos afectados a tramitación e resolución de dúbidas, xa que a opción que ofrece a Dirección Xeral do Catastro é facer as consultas a través da súa sede electrónica, medio no que moita xente aínda non se manexa.

Dous técnicos do gabinete Cartotec, especializado en asuntos catastrais e de propiedades, foron os encargados de resolver as dúbidas dos afectados e de axudar a tramitar as alegacións nos casos nos que os datos notificados pola Dirección Xeral do Catastro non se correspondían coa realidade.

A estimación era que o procedemento de regularización podería afectar un uns 3.000 propietarios do municipio aos que a Dirección Xeral do Catastro enviou notificacións indicando a propiedade obxecto da regularización e os datos que, segundo a súa inspección previa, se corrixían, coa conseguinte actualización das taxas sobre o inmoble. Os afectados dispuxeron dun prazo de 15 días, a contar dende que se recibía a notificación, para poder alegar. Debido ao farragoso do tema e ao escaso marxe dado para presentar reclamacións, o Concello decidiu contratar o servizo técnico para asesorar os afectados.

Motivos das alegacións

Os motivos máis repetidos para motivar as alegación foron a adxudicación a unha persoa dun inmoble que non era da súa titularidade, erros na medición da superficie e alturas e tamén por asignación de un uso que non se corresponde coa realidade, principalmente por rexistrar como vivenda unha edificación que se usa como almacén.

Outro dato curioso é que entre as propiedades que a Dirección Xeral do Catastro regulariza con este procedemento se atopan edificacións cunha antigüidade de 30 ou 40 anos, incluso algunha de 70 anos. Nestes casos atópanse principalmente construcións tipo almacéns ou alboios que no momento da súa construción non tributaban e si están obrigadas a facelo dende hai uns anos. O resto refírese a ampliacións de superficies, melloras ou piscinas construídas nos últimos anos e cuxas altas ou modificación de datos non foran comunicados ao Catastro por parte dos propietarios.

Independentemente das persoas que presentaron alegacións, os técnicos explicaron que unha vez resoltas as dúbidas que planteaban as notificacións, todos os propietarios aceptaban con normalidade a situación, coa única excepción da taxa de 60 euros que o Catastro lles obrigaba a pagar por non ter actualizado os datos antes e que é independentemente do importe que teñan aboar pola regularización catastral.
4Participación CIDADÁ
_Escribe o teu ALCALDE
_Regulamento de Particip.
_Queixas e Suxestións
Trámites Administrativos
  Municipais / No Municipais
»
4DÍA A DÍA
    Agos 2018  
L
M
X
J
V
S
D
   
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
P.X.O.M.
voluntariadogalego.org


[Inicio] [Información Turistica] [Trámites Administrativos] [Ordenanzas] [Taboleiro de anuncios] [Buzón de Suxestións]
[Novas Concello] [Axenda Cultural] [Revista Municipal] [Plan Xeral de Urbanismo] [Vilagarcía en cifras]
[Gabinete de Comunicación] [Postales] [Mapa e Rueiro] [Enlaces] [Contacto]

© 2018. Concello de Vilagarcía de Arousa
Praza Ravella, n° 1. 36000 - Vilagarcía de Arousa
- Aviso Legal - Créditos -