VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
O lavadoiro tradicional de Vilaxoán luce nova imaxe tras o remate das obras de rehabilitación
Vilagarcía de Arousa, 14 de xullo de 2016.- O Concello de Vilagarcía segue poñendo en valor o patrimonio local e popular de Vilagarcía. A última actuación levada a cabo neste sentido foi a rehabilitación do lavadoiro público de Vilaxoán, actuación que rematou hai uns días e que o alcalde, Alberto Varela, visitou o venres na compaña das concelleiras de Urbanismo, Paola María e Benestar, Tania García. A construción, que é moi utilizada polos veciños, ademais de lucir cunha imaxe remozada e acorde coa tipoloxía tradicional, acondicionouse no seu interior para resolver deficiencias que incomodaban o normal uso por parte dos usuarios.

14.07.2018.- As obras promovidas polo Concello e executadas pola empresa Zona de Obra O Rosal consistiron na restauración das estruturas de cuberta, no cambio do material da cubrición e na reparación de filtracións. A parte máis vistosa da actuación foi a da cuberta, onde se retiraron as pranchas de fibrocemento que afeaban o conxunto para substituílas por tella cerámica curva, material tradicional e que era o que tiña orixinalmente.

Ademais da actuación de Vilaxoán, o Concello tamén rehabilitará o lavadoiro de Trabanca Badiña nesta mesma fase do Plan de Recuperación de Lavadoiros Tradicionais posto en marcha co obxecto de recuperar e conservar estas construcións típicas da arquitectura popular, seguindo a liña do goberno socialista de preservar o patrimonio local. O plan comeza por estes dous pilóns pero continuará co obxecto de ir recuperando gradualmente todos os elementos dispersos polo territorio municipal. Tanto a obra do lavadoiro de Vilaxoán coma o de Trabanca Badiña fináncianse con fondos do Plan Concellos 2017 da Deputación.

< volver

+ titulares