VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
Comeza a segunda fase da posta a punto do Parque do Centenario
Persoal municipal do departamento de Obras traballa dende onte na posta a punto do Parque do Centenario. Os traballos a realizar completan os levados a cabo polo Concello a principios de ano e consistirán en rematar a reposición e cambio do firme dos corredores que atravesan e circundan a zona de recreo e en mellorar o sistema de iluminación en todo o parque.

17.07.2018.- No que ao firme das zonas de tránsito se refire, levaranse acabo dous tipos de actuación. A primeira afectará ao corredor lateral máis próximo á rampla do Cavadelo, cuxo firme actualmente enlousado se levantará e substituirá por solo de cemento-xabre compactado similar ao posto hai uns meses no paseo interior e o lateral máis próximo ao edificio da Autoridade Portuaria. Este firme é moito máis resistente e homoxéneo polo que tamén resulta máis cómodo para camiñar. Aproveitarase a obra para elevar o nivel da senda peonil para igualalo co carril bico que discorre en paralelo.

A segunda actuación afectará ao corredor central do parque e ao do paseo que discorre en paralelo ao mar. Aquí manterase o enlousado actual, pero reporanse as baldosas levantadas.

A segunda parte das obras que está a levar a cabo o Concello terá como obxectivo mellorar a iluminación do parque. Primeiro renovaranse as canalizacións do tendido eléctrico e logo acondicionaranse as luminarias existentes e instalaranse novos postes con focos para intensificar a iluminación.

Estes traballos constitúen a segunda fase do acondicionamento do Parque do Centenario que executa o Concello. Na primeira etapa leváronse acabo labores de poda e xardinería, centrados especialmente nas árbores, e tamén se cambiou o firme do corredor interior e dun dos laterais. Os traballos lévanse a cabo mediante a colaboración do Concello, que pon a man de obra para executar as melloras, e a Autoridade Portuaria, que se encarga de subministrar os materiais.

< volver

+ titulares