OBRAS E SERVIZOS
Obras acomete melloras en beirarrúas de Cornazo, Vilaxoán e Carril O Concello de Vilagarcía continúa realizando melloras nas beirarrúas do municipio baixo os criterios de accesibilidade e de seguridade viaria. As actuacións previstas para estes desenvolveranse en puntos concretos de Cornazo, Carril e Vilaxoán e levaranse a cabo con persoal municipal do servizo de Obras que dirixe Lino Mouriño.
18.07.2018.- A primeira das actuacións é a que xa se executou en Cornazo, en concreto na confluenza do acceso á urbanización Burgonova coa Avenida de Cornazo. Os traballos neste punto responden á mellora da seguridade viaria posto que configuración inicial das beirarrúas a ambos lados do cruce adentrábanse na calzada, estreitando a zona de paso de vehículos tanto para saír como para incorporarse á Avenida de Cornazo. Estas “ourellas” cortáronse para evitar o funil e facilitar a manobrabilidade dos vehículos sen risco para a circulación.
As actuación que se van a realizar de seguido en Carril e Vilaxoán consisten na reposición de lousas rotas ou levantadas nas beirarrúas. En Carril actuarase nun tramo da Avenida Rosalía de Castro á altura do cruce do restaurante A Taberna de Carril (O Farturas). E en Vilaxoán reparase as zonas peonís da Praza de Rafael Pazos da Rúa Salaregui (detrás da Praza de Abastos), así como nas beirarrúas da Rúa A Bouza. Xa en Vilagarcía, hoxe mesmo, estivéronse repasando as lousas do entorno da Praza de Abastos.