VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

TRÁFICO
O Concello regulará o tráfico con semáforos en Alejandro Cerecedo para mellorar a fluidez no centro urbano
O Concello de Vilagarcía levará a cabo varias medidas para mellorar a fluidez do tráfico rodado nas vías urbanas da cidade. A primeira delas afectará ao mesmo centro da cidade, para o cal se instalarán semáforos na rúa Alejandro Cerecedo co obxecto de regular o paso de peóns entre as zonas peonís para que os vehículos poidan circular dun xeito máis fluído e continuo. Os equipos xa están encargados.

20.07.2018.- Despois de estudar coa Policía Local a situación actual do tráfico no centro da cidade, comprobouse que a causa principal das conxestións en Alejandro Cerecedo é o paso constante persoas que atravesan a rúa no paso de peóns entre as zonas peonís de Castelao e Vista Alegre e, en menor medida, aínda que tamén inflúe na falta de fluidez, na desembocadura con Doutor Tourón e enlace con Fariña Ferreño, onde existen tres pasos de cebra xuntos. O problema agrávase os días de mercado, os martes e sábados pola mañá, onde o tránsito de persoas e tan elevado que se causan importantes retencións de vehículos.

Para regular o cruce dos peóns, instalaranse semáforos no paso entre Castelao e Vista Alegre, o máis conflitivo, e tamén nas confluenzas de Doutor Tourón con Alejandro Cerecedo e Fariña Ferreño.

A adquisición das balizas semafóricas xa se encargaron é empresa Esycsa por importe de 10.243 euros.

O Concello pretende completar esta medida con outras actuacións de diverso tipo tendentes a mellorar a fluidez do tráfico rodado na cidade, tanto nesta vía que atravesa o centro urbano como noutras vías cunha elevada densidade de tráfico e tránsito de peóns. As medidas, estudadas no seu conxunto, anunciaranse previamente e iranse poñendo en marcha de forma progresiva.

< volver

+ titulares