VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

DEPORTE
Nove clubs reciben financiamento da Fundación para a organización de eventos deportivos
O Consello Reitor da Fundación de Deportes do Concello de Vilagarcía resolveu na reunión celebrada esta semana a concesión das subvencións a clubs do municipio pola organización de eventos deportivos de carácter extraordinario. O organismo que dirixe Argimiro Serén dispuxo este ano de 30.000 euros que se repartiron entre nove entidades segundo os criterios e baremos establecidos nas bases que regulan a convocatoria.

29.07.2018.- Os torneos e eventos subvencionados este ano foron o III Torneo EncestaRías, organizado pola A.C.D. Encestarías (6.000 €); o XIV Memorial Miguel Ángel González da A.D. Cortegada (3.400 €), o XXII Torneo Arousa fútbol 7, organizado polo Arousa Fútbol 7 (10.000 €); o VI Torneo Cidade Vilagarcía cuxa organización depende do Club Arosa SC (4.500 €); a Vilagarcía Basket Cup 2017, do Club Baloncesto Vilagarcía (4.600 €); o III Trofeo Atletismo Mazí Cidade Vilagarcía, da A.A. Mazí (800 €), o Día do Minibasket organizado polo BBC (400 €); o II Trofeo Benxamín Pazo da Golpelleira promovido polo club Vilagarcía SD (150 €) e o I Trofeo Ximnasia Rítmica organizado por Viarousa Ximnasia (150 €).

Para a resolución desta liña de axudas e tal como sinalan as bases da convocatoria, os solicitantes deberon xustificar a celebración da competición, datas e lugar, número de participantes, balance económico, etcétera. Tamén se tivo en conta si contaron con máis patrocinios ou non, a categoría do evento (internacional, nacional, autonómico, local), o número de participantes e equipos, a duración da actividade, si é oficial ou non, a antigüidade, se houbo cota de inscrición ou venda de entradas, etcétera. Os baremos, tamén establecidos por puntos, determinaron as contías da axuda coa que se subvencionou cada evento.

< volver

+ titulares