CONCELLO
Os distintos servizos municipais coordínanse para a organización loxística dos actos das Festas de San Roque O goberno local mantivo esta mañá a primeira das reunións conxuntas de traballo cos servizos municipais implicados na organización e desenvolvemento das festas patronais de San Roque que se desenvolverán do 9 ao 19 de agosto en Vilagarcía. Estes encontros serven para analizar as necesidades directas e indirectas de cada acto incluído no programa e para coordinar a actuación dos departamentos de xeito que os vilagarciáns e as persoas que visitan a cidade poida gozar das festas e da cidade nas mellores condicións.
03.08.2018.- Os polos concelleiros de Cultura, Obras e Servizos, e Tráfico: Sonia Outón, Lino Mouriño e Juan Antonio Pérez, dirixiron a reunión. En canto aos departamentos asistentes figura, Obras, Electricidade, Limpeza, Medio Ambiente, Xardíns, Policía Local, Emerxencias e Turismo.
Estas reunións serven para concretar os operativos e loxística de cada acto, tanto no relativo aos medios materiais como humanos, así como ás necesidades colaterais que producen. O acto ou actividade máis pequeno precisa dun complexo operativo onde interveñen moitas persoas polo que, dado a cantidade de actos que se desenvolverán cada día en Vilagarcía durante as festas e as limitacións propias de persoal e materiais, sexa necesario coordinar ao máximo as actuacións de infraestrutura e loxística.
Labores de montaxe e desmontaxe de escenarios, colocación e retirada de cadeiras, limpeza de rúas e mantemento de zonas verdes, sinalización de cortes de tráfico, regulación da circulación ou vixilancia en concentracións de xente son só algunha das labores que levan a cabo os departamentos municipais.