OBRAS E SERVIZOS
O operativo de limpeza tras a Festa da Auga implicará a 75 traballadores de Concello e Cespa A concellería de Obras e Servizos que dirixe Lino Mouriño, xunto con Cespa, a empresa concesionaria do servizo de limpeza e recollido lixo, mobilizarán a un total de 75 traballadores no operativo especial de limpeza tras a Festa da Auga, o xoves 16 de agosto. As labores comezarán ás 7 da mañá e prolongaranse durante toda a xornada, ata a noitiña, co obxectivo de devolver a cidade ao seu estado óptimo tras a multitudinaria Festa da Auga. Dende o Concello prégase a máxima colaboración de hostaleiros, ambulantes e cidadáns en xeral para facilitar as labores de limpeza e para que Vilagarcía ofreza a mellor imaxe durante o día grandes das festas.
15.08.2018.- As labores de limpeza do día 16 de agosto resultan moi complicadas debido á cantidade de lixo e de sucidade que xeran os milleiros de persoas que acoden á cidade e que participan nas numerosos celebracións que se desenvolven dende a noite anterior e durante toda a madrugada en diversos espazos da cidade. Ante esta circunstancia, o operativo especial para ese día mobilizará a un total de 75 efectivos entre persoal do Concello e de Cespa. A Concellería de Obras e Servizos dispón para esa xornada de 40 operarios dos servizos de Xardíns, Medio Ambiente, Obras e Alumeado como reforzo ás tarefas de limpeza que desenvolverán os 35 operarios de Cespa. A concesionaria desprazará tamén maquinaria a maiores para acelerar as labores de posta a punto dos espazos públicos.
Os traballos comezarán ás 7 dea mañá na zona das praias para ir retirando o lixo que se soe acumular nesta zona tras as celebracións nocturnas. O turno de mañá dos operarios municipais traballará a pé para ir recollendo e acumulando os desperdicios xerados que os traballadores de Cespa se encargarán de retirar co camión de recollida. Posteriormente pasará o camión cisterna para baldear e refrescar os espazos recollidos. Un operario de Cespa encargarase tamén da limpeza dos aseos públicos das praias. O operativo irase desprazando posteriormente cara o Parque Miguel Hernández, a explanada TIR, O Cavadelo e O Centenario e o peirao de pasaxeiros.
A segunda parte do operativo comezará a partir das 15 horas. Mentres que un segundo turno de operarios municipais encargarase de realizar unha segunda de batida á zona TIR, Miguel Hernández e Centenario en apoio aos medios de Cespa, a concesionaria afanarase no acondicionamento das rúas do centro da vila, especialmente as denominadas da Zona Húmida pola que durante toda a mañá discorrerá a Festa da Auga.
Para esta labores disporase de 2 camións de recollida, 3 máquinas varredoras, 2 camións de baldeo que comezarán a limpar as rúas comezando pola zona de San Roque para ir aproximándose ao centro da cidade. Utilizarase un produto desodorizante mesturado co auga do baldeo para evitar malos cheiros.
O Concello prega a máxima colaboración dos hostaleiros á hora de recoller as barras externas para facilitar as labores dos equipos de limpeza no turno de tarde para que as rúas volvan a estar en perfectas condicións para continuar coas celebracións da tarde noite.