CONCELLO
Patrimonio autoriza a reparación da cuberta da praza da verdura A dirección xeral de Patrimonio vén de autorizar o proxecto de reparación da cuberta da Praza da Verdura que o Concello de Vilagarcía pretende levar a cabo no marco das distintas actuacións levadas a cabo nos últimos anos para a mellorar e modernizar as instalacións do mercado Público Municipal. A obra que se vai a levar a cabo será o de arranxo da cuberta do pavillón e precisará dun investimento de 94.385 euros que o Concello financiará a través dos fondos europeos da EDUSI.
02.10.2018.- Co edificio principal da Praza de Abastos totalmente remodelado, a prioridade agora é a cuberta da nave da verdura, que se atopa en bastante mal estado debido a súa antigüidade. A actuación ten como obxectivo resolver os problemas de filtracións de auga que rexistra o edificio dende a cuberta debido ás deficientes condicións de estanquidade que presenta e que veñen dadas pola antigüidade e desgaste dos materiais de cubrición e da capacidade impermeabilizante.
Agora que xa se conta co beneplácito de Patrimonio, o Concello completará os trámites que marcan as directrices europeas para os investimentos incluídos nas liñas EDUSI co obxecto de poder licitar a obra tan pronto como sexa posible.
O pavillón no que se empraza actualmente a Praza da Verdura é un edificio relativamente actual (dos anos 80), que non ten ningún valor patrimonial e que, pese a ser unha construción independente, no seu día uniuse ao edificio principal da Praza de Abastos. Maila que tras a última reforma do edificio histórico do Marcado, o pavillón volveuse a separar deste, cando se catalogou a Praza de Abastos tomáronse os dous edificios como un todo, e incluíuse na mesma ficha o pavillón da verdura. Esta é a razón pola que a obra para este módulo tamén se remitiu á avaliación de Patrimonio.