CONCELLO
A nova parada de autobús de Alexandre Bóveda terá unha marquesiña accesíbel, similar ás do Cavadelo A nova parara de autobús coa que contará a Rúa Alexandre Bóveda nas confluenza con Alejandro Cerecedo dotarase dunha marquesiña para dar acubillo aos usuarios do transporte público. O mobiliario será similar ao existente nas dársenas do Cavadelo e completamente accesíbel para as persoas que usen cadeiras de rodas ou leven carriños.
04.10.2018.- A Xunta Local de Goberno acordou na súa última reunión aprobar a adquisición da marquesiña que se emprazará na parada a habilitar fronte ao edificio da Sindical. O importe da compra ascende a 14.278 euros.
Como se sabe, o Concello vai a levar a cabo proximamente a reordenación do tráfico en Alejandro Cerecedo, Arcebispo Lago e Conde Vallellano. As medidas conlevan cambios de direccións e, consecuentemente, tamén do percorrido do transporte urbano. A principal novidade en relación ás paradas de autobús é que desaparece a das Galerías Gallego e se crea a de Alexandre Bóveda, xunto a Sindical. Esta medida permite dar mellor servizo aos usuarios que acoden á Praza de Abastos de Vilagarcía.
As prazas de estacionamento reservadas para minusválidos desprázanse uns metros, pasando a situarse fronte á cafetería Musgo e a zapatería. Este cambio aproveitarase para habilitar parazas completamente accesibles.
O Concello está executando os traballos de sinalización viaria para a posta en marcha de nova ordenación de tráfico. Ademais do pintado das liñas de circulación, estacionamentos e paradas de autobús, tamén se procederá á instalación da sinalización vertical correspondente, e se están ultimando as canalización para as conexións eléctricas do semáforo no paso de peóns entre Castelao e Vista Alegre. Unha vez se completen todos os traballos, o Concello anunciará, cun par de días de antelación, a data exacta da posta en marcha da regulación de tráfico co obxecto de que toda a poboación estea convenientemente informada.