RELACIÓNS INSTITUCIONAIS
A oficina da Seguridade Social seguirá aberta como sempre, tralas xestións do alcalde diante da subdelegada do Goberno A oficina da Seguridade Social na rúa san Roque de Vilagarcía continuará funcionando con normalidade, segundo lle confirmou a subdelegada do goberno en Pontevedra, Maika Larriba, ao alcalde, Alberto Varela. Isto será posible despois de que se producirán algunhas altas laborais e se reforzase o persoal da oficina.
Diante das noticias sobre un posible peche da sede comarcal da Seguridade Social, o alcalde púxose en contacto onte pola tarde coa subdelegación para expresar a súa preocupación polos trastornos que esa decisión ía causar tanto aos veciños da cidade coma aos números habitantes do Salnés que se desprazan cada día a Vilagarcía. Varela Paz, aínda comprendendo a situación laboral dos seus traballadores, reclamou unha solución o máis rápida posible a ese problema. Hoxe mesmo, a primeira hora da mañá, a propia subdelegada do goberno confirmoulle por vía telefónica que a oficina seguirá funcionando con normalidade e que, polo tanto, queda sen efecto o anuncio que estaría pechada durante 15 días.