VILAGARCIA DE AROUSA

CONCELLO
O goberno propón destinar parte do superávit a renovar o alumeado do rural e á segunda fase de Matosinhos
O Concello de Vilagarcía celebrará o vindeiro venres un Pleno extraordinario para concretar as obras que se executarán co fondos procedentes do superávit orzamentario correspondentes ao exercicio de 2017. A proposta do executivo socialista é destinar 695.843,02 uros á renovación do alumeado público no medio rural e á segunda fase de rexeneración de Matosinhos.

10.11.2018.- Como xa se informara hai unhas semanas, o superávit do presuposto de 2017 ascende a 1.947.370 euros. O goberno local decidiu dividir esta suma para destinar unha parte a amortización da débeda municipal e outra a actuacións de investimentos financeiros sostibles.

No Pleno ordinario do mes de outubro aprobouse dedicar 1.251.527,23 euros á amortización os préstamos subscritos con entidades crediticias, reducindo o nivel de endebedamento do Concello ata o 21,01%. Nos últimos tres anos, o executivo socialista conseguiu rebaixar o índice de endebedamento municipal un 55,6%, o que demostra a boa xestión económica realizada e o a boa saúde nas que se atopan as arcas locais.

O equipo que preside Alberto Varela pretende destinar os 695.843 euros reservados á execución de investimentos financeiramente sostibles á dúas obras. A partir máis importante, 502.000 euros, destinaríanse a completar a rexeneración do Parque de Matosinhos e a súa contorna, obra cuxa primeira fase atópase en estado de execución. Este investimento permitiría encadear as obras, de xeito que a segunda fase se inicie tan pronto como remate a primeira.

A intención do goberno é que os 193.842 euros restantes se utilicen para financiar a primeira fase da renovación do alumeado público no medio rural. Mediante esta actuación mellorarase a iluminación de 23 vías e camiños doutros tantos lugares das parroquias do rural, substituíndo as luminaria actuais por outras adaptadas á regulación vixente, e dando continuidade a estratexia de aforro enerxético que se está a levar a cabo nos últimos anos.

Por outro lado, o Pleno tamén votará o a proposta acordada na Mesa de Negociación para a recuperación progresiva no salario dos empregados públicos do Complemento Específico retirado polo Estado en 2010 dentro das medidas para a redución do déficit público. O Concello de Vilagarcía, ao dispor de superávit, pode destinar a esta medida o 0,30% da súa masa salarial (os demais o 0,20%). Esta suma ascende a 32.568249 euros este ano e irá complementándose en exercicios sucesivos para que o persoal municipal recupere o que deixou de ingresar durante os anos da crise.

A convocatoria do Pleno extraordinario débese ao cumprimento dos prazos legais, dado que se esixe que os pregos de licitación das obras a realizar co superávit estean redactados e aprobados antes de finais do ano en curso.