POLICÍA LOCAL
A Policía Local detén a un home por conducir de forma temeraria, sen carné e por tenencia de drogas Tras unha breve persecución en coche, a Policía Local de Vilagarcía detivo onte pola noite a un home que conducía sen carné polas avenida Rosalía de Castro de Vilagarcía. Tras ser recoñecido por unha patrulla, o individuo, douse á fuga co coche circulando por dirección prohibida, subindo a beirarrúas do barrio de San Xosé e rúas da contorna. Tras darlle o alto, no cacheo, os axentes atopáronlle varias bolsiñas de plástico que contiñan unha sustancia branca que aparentaba ser cocaína.
13.11.2018.- O home, de nacionalidade colombiana e nado no ano 1992, responde as iniciais de M.F.A.L. era un vello coñecido da policía, razón pola cal, os axentes sabían que carecía de permiso de conducir cando se cruzaron con conducindo un Seat Ibiza pola avenida Rosalía de Castro. O detido debe responder ante o xuíz as acusacións de desobediencia e resistencia á autoridade, por conducir sen permiso, condución temeraria e por un delito contra a saúde pública.