DEPORTE
A baixa laboral de tres técnicos obriga a suspender varias actividades da Fundación de Deportes esta semana A baixa médica de tres técnicos obrigou hoxe á Fundación de Deportes a suspender varias actividades previstas para esta semana. En concreto son: pilates da tarde do mércores e do venres a mañá; ioga da tarde do mércores; ximnasia de mantemento en Guillán e Bamio; bádminton do xoves, tanto pola mañá coma pola tarde, e a aeróbic do venres á mañá.
En consecuencia, as actividades que SÍ seguirán desenvolvéndose son: pilates do xoves, de 9:00 a 12:00; aeróbic infantil e de adultos do xoves pola tarde; ximansia de mantemento no pavillón de Castelao polas mañás e en Fexdega polas tardes; circuit training en Fexdega; taichi o xoves pola tarde; e as escolas deportivas de nenos, tanto psicomotricidade como multideportiva e deportiva de base.
A Fundación de Deportes lamenta a situación creada e pide desculpas polos trastornos que poida causar nos inscritos nestas actividades. Con todo, dende o organismo deportivo xa se foi contactando con todas as persoas inscritas, explicando o ocorrido. A Fundación confía en que o vindeiro luns as actividades poidan volver á normalidade; de non ser posible, en todo ou en parte, será comunicado tamén persoalmente a cada afectado.