VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

MULLER
O libro sobre a folga feminista do 8 de mazo preséntase mañá no salón de plenos do Concello
O libro “Oito olladas sobre a folga feminista do 8 de marzo” preséntase mañá, xoves, 17 de xaneiro, en Vilagarcía no marco da xira organizada pola Deputación para dar a coñecer esta obra nos municipios da provincia. A publicación da editorial Galaxia recompila as reflexións de oito mulleres de diferentes sectores sobre a histórica xornada vivida o pasado ano e sobre as súas propias experiencias de ser muller nunha sociedade machista. A presentación celebrarase no Salón de Plenos do Concello ás 20:00 horas A entrada é libre ata completar aforo.

16.01.2019.- “Oito olladas sobre a folga feminista” é unha obra colectiva coordinada pola escritora Inma López Silva. A súa é unha das olladas que se recollen no libro no que tamén ofrecen as súas opinións a xuíza, Paz Filgueira; a matrona Susana Iglesias; a xornalista, Susana Pedreira; a profesora e fotógrafa, Ana Fresco; a funcionaria, Sarai González; a estudante, Sandra Núñez e a libreira Mercedes Corbillón.

Firme compromiso coa Igualdade

O libro está tendo moi boa acollida entre a poboación. De feito, xa vai pola segunda edición. Froito do firme compromiso da Deputación cos temas de igualdade, o organismo que preside Carmela Silva, xa presentou a obra en Vigo e en Pontevedra e agora faino en Vilagarcía. Para continuar coa divulgación do libro por toda a provincia e, especialmente para que chegue á mocidade, o organismo provincial distribuirá exemplares nos centros educativos de Secundaria e de FP para que profesores e alumnos os utilicen como ferramenta para a reflexión e o debate nas aulas e tamén para que o incorporen as súas bibliotecas. Con isto búscase que a mocidade coñeza de primeira man testemuñas reais de oito mulleres de diversos eidos que reflexionan sobre as reivindicacións feministas e sobre as súas vivencias como mulleres.

< volver

+ titulares