CONCELLO
O goberno propón ao Pleno dedicar a Ramiro Carregal a Praza de Fexdega O goberno local de Vilagarcía elevará ao Pleno dúas propostas relativas a render homenaxe a dúas persoas que, por motivos diversos, tiveron ou teñen especial relevancia na vida social, cultural e deportiva do municipio. A primeira iniciativa propón que a piscina leve o nome de Celestino Brianes Lojo e a segunda, dedicar a Ramiro Carregal a Praza de Fexdega.
24.10.2019.- O recoñecemento a Celestino Brianes partiu directamente do executivo socialista tras o recente falecemento do fundador e presidente do Club Natación e Salvamento Vilagarcía e unha figura indispensable no deporte local das últimas décadas. Brianes Lojo participou do atletismo, do baloncesto, do fútbol e da natación, dirixindo delegacións federativas ou promovendo a creación de clubs. Tamén foi un dous promotores e fundadores da actual Fundación Municipal de Deportes, da que foi vicepresidente e vocal en distintas ocasións e na que aínda ocupaba unha das vogalías do Consello Reitor. Ademais, Celestino participaba de forma activa con outros colectivos culturais da cidade, por exemplo coa organización da semana Náutica, e colaboraba con accións sociais da parroquia.
Por outra banda, a proposta de dedicar unha rúa ou praza a Ramiro Carregal foi solicitada pola Fundación Amigos de Galicia e pola Asociación Arosa Fútbol 7, dúas das entidades coas que o propietario de Frinsa ven colaborando dende hai anos de forma altruísta, financiando e patrocinando accións e programas sociais da primeira, e a organización do torneo deportivo da segunda. De aprobarse a proposta de denominar Praza Ramitro Carregal ao emprazamento da Maroma, este sería o segundo recoñecemento que recibiría o empresario ribeirense pola labor de mezenazgo que leva a cabo en Vilagarcía, posto que en 2014 xa lle fora concedido o título de Fillo Predilecto da Cidade.
A Corporación Municipal pronunciarase sobre estas dúas propostas na sesión ordinaria do Pleno a celebrar o vindeiro xoves, 31 de xaneiro.