VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
Cultura pecha o sábado o mes de Rosalía coa lectura pública de poemas e un concerto no Salón García
A Concellería de Cultura do Concello de Vilagarcía pecha o sábado, 23 de febreiro, a programación conmemorativa do nacemento de Rosalía de Castro. Para esa xornada están programadas dúas actividades abertas á cidadanía. A primeira é unha lectura pública de poemas da autora homenaxeada e a segunda o concerto da formación musical “Son Trío”, que interpretarán temas inspirados no poemario “Follas Novas”. As exposicións da Biblioteca e a mostra fotográfica “Airiños, Aires”, de Xurxo Lobato continuarán unhas semanas máis na Casa da Cultura e na Sala Rivas Briones.

21.02.2019.- O primeiro dos actos previstos para o sábado é a lectura pública de poemas de Rosalía que se celebrará a partir das 12 do mediodía na antesala do Salón García, nas dependencias municipais da Rúa Rey Daviña. Poderá participar toda persoa que desexe homenaxear á autora de “Cantares Gallegos” lendo versos de calquera das súas obras.

Xa pola noitiña terá lugar o concerto “Miña Almiña” protagonizado pola formación “Son Trío”, composta por voz, piano e cello. A poesía de Rosalía é o fío condutor deste espectáculo musical no que se mesturarán a linguaxe da música clásica coa da contemporánea e do jazz. “Miña Almiña” é unha proposta íntima baseada nunha escolma do poemario “Follas Novas”.

< volver

+ titulares