VILAGARCIA DE AROUSA

AVISOS
O concerto de Mikel Erentxun do 14 de abril trasládase ao auditorio en cumprimento da Lei Electoral
A convocatoria das eleccións xerais para o 28 de abril e o procedemento legal que deben seguir os concellos en canto á disposición de locais para a celebración dos actos dos partidos durante a campaña electoral obriga a trasladar de escenario o último dos concertos do programa “Achégate ao Salón!” que se celebran no Salón García. Dado que esta sala está habilitada como local electoral, o concerto de Mikel Erentxun previsto para o 14 de abril celebrarase finalmente no Auditorio Municipal.

23.02.2019.- cambio non afectará ás persoas que xa teñan adquiridas as súas localidades ou abonos posto que ticketea estableceu un sinxelo procedemento para reasignar as entradas á configuración da nova sala respectando a numeración e situación no emprazamento inicial.

A partir do luns, 25 de febreiro, Ticketea remitirá vía mail aos compradores a entrada coa nova numeración e, en caso de non estar conformes, poderán solicitar o cambio ou a devolución do importe. As persoas que xa adquirisen a entrada terán prioridade en caso de querer cambiar a butaca asignada, para o cal habilítase un período exclusivo para que poidan realizar o trámite. O prazo será ata o 14 de marzo. O procedemento xa se lles explica no propio correo electrónico.

Dado o maior aforo do que dispón o Auditorio, a partir do 15 de marzo, unha vez concluído o prazo preferente para as persoas que xa tiñan entrada para o Salón García, poranse á venta polo sistema habitual o resto das localidades dispoñibles, é dicir a través da plataforma http://www.ticketea.com

Mantéñense os prezos establecidos para os concertos do programa ”Achégate ao Salón!”: adultos, 9 euros; menores de 16 anos, 3 euros; e desempregados de balde acreditando a condición de parados. A venta anticipada conleva os correspondentes custes de xestións. De non esgotarse antes, tamén se porán á venta o mesmo día do concerto na billeteira do Auditorio a partir das 11.00 horas.