VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

AVISOS
O desfile de Entroido de Vilagarcía trasládase ao domingo 17 de marzo
A Concellería de Cultura do Concello de Vilagarcía decidiu pospoñer o desfile de Entroido que se celebra tradicionalmente o Martes de Carnaval, debido ás intensas chuvias previstas para a xornada de mañá. A data elixida finalmente para celebrar o colorido evento é o domingo 17 de marzo.

04.03.2019.- O departamento que dirixe Sonia Outón desbotou a posibilidade de trasladar o desfile de disfraces e carrozas a esta fin de semana (9 e 10 de marzo) para non interferir nin restar protagonismo aos actos de Entroido programados en Vilaxoán e Carril, onde teñen previsto celebrar os seus respectivos Enterros da Sardiña o sábado e o domingo respectivamente.

Ademais, optando polo 17 de marzo, tamén se evita coincidir cos desfiles de Entroido doutros municipios da comarca e da provincia que xa programaran os seus eventos para a fin de semana de Piñata ou que, debido ao mal tempo destes días, cambiaron os actos para os vindeiros sábado e domingo. Deste xeito foméntase a participación no evento de Vilagarcía, tanto de disfraces como de público.

A Concellería de Cultura xa está informando do cambio de data aos colectivos anotados no desfile-concurso.

< volver

+ titulares