OBRAS E SERVIZOS
O cemiterio municipal de Carril disporá de 16 novas prazas de soterramento en primavera O cemiterio municipal de Carril verá ampliada a súa capacidade como consecuencia das obras de construción de 16 nichos de nova construción que vai a levar a cabo o Concello. Os traballos executaranse de forma inminente posto que hoxe mesmo a Xunta de Goberno Local procedeu a adxudicar os traballos á empresa Construcciones Miguel Ángel Rey. As obras teñen un orzamento de 10.600 euros que se financian con fondos propios do Concello.
04.03.2019.- A proposta parte da Concellería de Obras, Servizos e Relacións Veciñais que dirixe Lino Mouriño e atende a necesidade de dispor de novas prazas de soterramento. A actuación complementa a levada a cabo hai uns meses no camposanto municipal de Rubiáns onde se construíu unha nova liña de nichos con 80 prazas de soterramento.
O proxecto a executar no Cemiterio de Carril estará concluído durante a primavera.