VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

EDUCACIÓN
Fredy Mercury e Bach comparten repertorio no Concerto do Compositor da Escola Municipal de Música
A Escola Municipal de Música Bernardo del Río, de Vilagarcía, ofrece mañá mércores 27 de marzo, o Concerto do Compositor co que, tradicionalmente, pechan as actividades do trimestre académico. Nesta ocasión, e seguindo a norma de combinar a música clásica coa actual, o concerto está dedicado ao músico e compositor do barroco, Johan Sebastian Bach e ao líder e cantante da banda de rock Queen, Fredy Mercury.

26.03.2019.- As agrupacións da escola intervirán no concerto interpretando o repertorio escollido polos profesores entre as obras máis coñecidas e significativas da figura do barroco e do cantante británico. A actuación celebrarase a partir das 19:30 horas na sala de concertos da escola.

O tributo a estes dous grandes músicos complétase co traballo realizado no último trimestre polo alumnado de Linguaxe Musical e Instrumento, que estivo recabando información e documentándose sobre Mercury e Bach. Os seus traballos exporanse no corredor do centro para que país e familiares poidan contemplalos e comentalos.

O Concerto do Compositor pecha unha ampla lista de actividades organizadas pola Escola de Música durante o segundo trimestre do curso que está a piques de rematar. A primeira foi o concerto conxunto realizado cos alumnado do Conservatorio Municipal de Música de Vilagarcía celebrado o pasado 7 de marzo e ao que lle seguiron as audicións abertas ao público realizadas polos educandos de todas as especialidades instrumentais que se imparten no centro Bernardo del Río.

< volver

+ titulares