XUVENTUDE
O público infantil ten este domingo dobre sesión do “Cantajuego” no Auditorio O Cantajuego, o espectáculo que dende hai máis de unha década é todo un fenómeno de masas entre o público infantil regresa un ano máis a Vilagarcía. Será este domingo, 31 de marzo, con dúas sesións nas que os personaxes máis célebres do Cantajuego celebrarán o seu 15 aniversario cun espectáculo moi especial que fará as delicias dos nenos e nenas da cidade. As entradas, con prezos entre os 20 e os 17 euros, pódense adquirir a través de ticketea (máis custes de xestión. De non esgotarse antes, tamén se porán á venda no Auditorio dende dúas horas antes do inicio de cada función, previstas para as 12:30 e as 17 horas.
26.03.2019.- O Cantajuego regresa a Vilagarcía cun espectáculo especial que pon en escena o mellor do seu extenso repertorio durante estes quince anos de vida. Como non podía ser doutro xeito, polo escenario do Auditorio pasarán imprescindibles como Coco, Pepe e Buby, ademais de outros moitos personaxes que aportan cor e calor ao show. Todos eles farán as delicias de cativos e maiores cunha proposta que inclúe os ingredientes que tan bo resultado levan dando durante estes anos ao Cantajuego: cancións, baile e xogos en familia.Será unha viaxe a través doshits que xa forman parte do cancioneiro infantil popular e que son o legado do Cantajuego.
As entradas poden adquirirse na venta anticipada a través de http://www.ticketea.com e do teléfono 902044226. Custan 20 euros na Fila 1, 19 no resto da zona A, 18 na B e 17 na C (máis os custes de xestión). De non esgotarse antes, tamén se poderán comprar o mesmo día da función na billeteira do Auditorio, dende dúas horas antes do inicio de cada función.