VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

POLICÍA LOCAL
O Concello adxudica o renting para a renovación de tres vehículos da Policía Local
A Xunta Local de Goberno adxudicou hoxe o contrato de arrendamento a través do sistema de renting de tres vehículos para a Policía Local durante un prazo de 48 meses. O Banco Santander foi a adxudicataria do contrato que ten un importe total de 148.222,08 euros (IVE incluído) e mediante o cal a Policía local recibirá tres coches completamente novos, modelo Toyota Prius, híbridos e dotados con todos os equipamentos e especificacións que contempla a lei para os automóbiles policiais. O contrato tamén inclúe servizo de mantemento. Estes vehículos substituirán a outros tres que xa acumulaban anos de uso continuado, no marco do proceso de renovación do parque móbil da Policía Local que está a levar a cabo o Concello e permitirá á Garda local prestar servizo con medios condicións óptimas.

10.06.2019.- Entre as prestacións incluídas no contrato atópanse o servizos de mantemento e reparacións na propia concesionaria da marca, ademais dos seguros a todo risco e cunha ampla cobertura. Os novos coches patrulla entregaranse completamente pintados, rotulados e equipados segundo o establecido por lei, ademais de contar cos equipos luminosos e acústicos propios dos coches policiais. Entre os equipamentos incluídos no contrato, cada vehículo virá dotado de botiquín, cristais escurecidos, dúas lanternas policiais, extintor, prancha e barra de separación entre os asentos dianteiros e posteriores con soporte de defensas policiais e emisora compatible co sistema de comunicación da Policía, entre outros elementos.

Unha vez comunicada a adxudicación e asinado o contrato, a adxudicataria disporá de un prazo de 2 meses para entregar os vehículos, completamente acondicionados e dotados.

< volver

+ titulares