OBRAS E SERVIZOS
Xa está operativo o novo estacionamento público do pavillón de deportes de Fontecarmoa O complexo multideportivo de Fontecarmoa contan dende hoxe cunha nova bolsa de estacionamento público xusto a carón do pavillón principal. O Concello xa rematou o acondicionamento como párking de parte da parcela na que se construirá o novo Cuartel da Garda Civil. Trátase dun ha superficie de 85x20 metros e que ten capacidade para albergar 50 vehículos. Esta nova bolsa súmase a outra habilitada recentemente polo Concello nas inmediacións, xusto detrás da piscina municipal, aumentando deste xeito o número de prazas de aparcamento para os usuarios das instalacións deportivas municipais.
01.07.2019.- Os operarios de Obras do Concello traballaban dende hai semanas na parcela da Garda Civil tras o acordo acadado polo Concello e o Instituto Armado para utilizar os terreos como aparcamento público ata que no comece a construción do novo cuartel. Tras a tala de árbores e os correspondentes traballos de desmonte e explanación conseguiuse habilitar esta superficie de 84x20 metros xusto na esquina situada entre a estrada de acceso ao pavillón e a propia instalación. Ademais abriuse parte do muro para favorecer a entrada e saída dos vehículos, así como para facilitar a visualización do estacionamento. Tan so queda pendente o remate da rampla de acceso peonil que quedará lista o mércores.
Esta actuación enmárcase na acción que está a levar a cabo o goberno local dende hai catro anos de xestionar con propietarios de parcelas baleiras o a súa cesión temporal de uso por parte do Concello como zonas de estacionamento. Deste xeito conseguiuse crear novos aparcamentos públicos en Carril, Os Duráns, Marxión, A Torre, O Piñeiriño e Faxilde.