SERVIZOS SOCIAIS
Servizos Sociais informa de que aínda quedan prazas dispoñibles nas escolas infantís de Carril e Vilaxoán A Concellería de Servizos Sociais do Concello de Vilagarcía informa ás familias con nenos e nenas de 0 a 3 anos de idade que aínda quedan prazas libres para escolarizalos durante o curso 2019-2020 nas escolas infantís de Carril e Vilaxoán. Dado que o centro municipal da Lomba ten cubertas todas as prazas e conta con lista de agarda, dende o Concello aconséllase ás familias que recorran aos outros dous centros públicos do municipio, redistribuíndose deste xeito toda a demanda existente dun xeito equilibrado.
09.07.2019.- No caso da Galiña Azul de Carril, disponse de 15 prazas para o grupo de bebés, é dicir para crianzas de 0 a 1 ano de idade. No caso da de Vilaxoán, as 31 vacantes están repartidas entre os tres grupos de idade (de 0 a 1 ano, de 1 a 2 e de 2 a 3 anos).
As familias interesadas deberán dirixirse ao centro de Carril para solicitar praza e realizar a matrícula, tanto si optan por este centro como polo de Vilaxoán, xa que ámbolos dous serán xestionados polo Consorcio Galego de Servizos Galegos e Igualdade.