AVISOS
O paso da procesión do Carme interromperá o martes 16 pola tarde o tráfico da avenida Rosalía de Castro As celebracións relixiosas na honra da Virxe do Carme que terán lugar mañá, martes 16 de xullo, en Carril obrigará a cortar o tráfico de forma puntual na Avenida Rosalía de Castro ás 18:30 horas e ás 21:00 horas para permitir o paso da procesión. A Policía Local advirte aos condutores sobre a situación, lembrando que, en todo caso, se poden usar a circunvalación norte ou os desvíos existentes.
15.07.2019.- A procesión do Carme en Carril sairá sobre ás 18:30 horas da igrexa para dirixirse pola Rúa Santiago, rúa Victoria, rúa Nova e rúa Cervantes cara a Praza da Liberdade (atravesando Rosalía de Castro) ata a rúa Mariña. Logo da Procesión Marítima (que partirá do pantalán fronte a Cortegada), a comitiva relixiosa bordeará a lonxa e continuará pola rúa Aduana, rúa Portugalete, rúa do Carmen e Praza da Liberdade para atravesar de novo a Avenida Rosalía de Castro para dirixirse pola rúa Cervantes, a rúa Nova, a rúa Victoria e a rúa Santiago, de volta á igrexa.
A Policía advirte de que os horarios previstos poden sufrir lixeiras variacións e que as rúas abriranse ao tráfico en canto sexa posible.