TURISMO
Carou sonda as liñas de colaboración en materia de turismo coa deputada provincial Ana Laura Iglesias O concelleiro de Turismo, Álvaro Carou, desprazouse esta mañá ata Pontevedra para reunirse coa deputada provincial, Ana Laura Iglesias. Ademais de presentarse oficialmente, a reunión foi unha primeira toma de contacto entre ambas administracións para explorar as liñas de colaboración existentes de cara á posta en marcha de proxectos comúns e para aproveitar sinerxias en materia de Turismo.
08.08.2019.- O edil vilagarciá interesouse por coñecer os programas que vai a poñer en marcha a deputación e as liñas de subvención que ofrecerá e que poderían resultar de interese para os proxectos que pretende poñer en marcha en Vilagarcia nos próximos anos. Entre outros puntos, falaron das posibilidades de colaborar en materias como a creación e sinalización de rutas de sendeirismo e BTT, así como de promoción e posta en valor de roteiros ligados ou complementarios ao Camiño de Santiago, dada a proximidade do Ano Santo, e tamén da recuperación de patrimonio cultural.
Carou valorou de forma moi positivo o encontro no que a Deputada comprometeuse a manter puntualmente informado ao concelleiro sobre os programas, liñas de subvencións e iniciativas que vaia a promover a Deputación.