AVISOS
A execución de melloras na rede eléctrica pode provocar cortes o domingo pola mañá en Rubiáns Unión Fenosa Distribución advirte da posibilidade de que distintas zonas da parroquia de Rubiáns sufran cortes do subministro eléctrico o domingo, 25 de agosto, a primeira hora da mañá debido aos traballos que a compañía levará a cabo co obxectivo de mellorar a rede eléctrica e garantir o subministro óptimo para os seus usuarios. A distribuidora do Grupo Naturgy comunicou ao Concello que as labores de mantemento e desenvolvemento da rede eléctrica realizaranse entre as 7 e as 9 da mañá, co obxecto de interferir o menos posible no servizo que presta aos seus usuarios.
23.08.2019.- Para realizar estas melloras, a empresa ten que deixar fora de servizo unha serie de instalacións, o que pode provocar interrupcións no subministro eléctrico durante o intervalo de tempo mencionado. As instalacións nas que se vai a traballar afectan ás seguintes rúas e lugares da parroquia de Rubiáns: Abelle (Abelle, Camiño Costa, Camiño Río), Barbeitos (Avenida de Rubiáns, Barbeitos, Camiño Abelle, Gandariña, Medorno, Pedral), Casanova (Casanova), Feira Nova (Avenida Rubiáns, Camiño Feiranova), Perrón (Perrón, Quinteiro, Sentín).