AVISOS
A Escola de Música abre a matrícula para as 20 prazas vacantes en música e movemento e 16 en instrumentos A Escola Municipal de Música Bernardo del Río abre a vindeira semana un segundo prazo de matrícula para cubrir as 20 vacantes existentes tanto no Grao de Música e Movemento como as 16 que quedan en diferentes especialidades instrumentais de cara ao curso 2019/20 que está a piques de comezar. O trámite poderá realizarse o luns, 9 e o martes 10 de setembro presencialmente nas oficinas do centro, na antiga escola do Ramal, en horario de 10 a 13.30 horas, ou través da dirección de correo electrónico escolamusica@vilagarcia.gal
06.09.2019.- No Grado de Música e Movemento, o destinado aos máis activos, quedan dispoñibles 3 prazas no nivel de Iniciación á Música (para alumnado de 3 anos), 7 no de Música e Movemento (para os de 4 anos), 6 para os de 5 anos e quedan 4 vacantes para o alumnado de 7 anos.
No apartado de Especialidades Instrumentais poderán cursar estudos o alumnado a partir dos 8 anos, sen límite de idade para adultos. Neste apartado aínda se dispón de 5 prazas de Piano, 3 na especialidade de Vento madeira, 4 na de Vento Metal e outras 4 na de Linguaxe Musical Adultos.
A documentación a presentar para xunto coa solicitude de praza e a seguinte: documento que acredite o número de conta bancaria (IBAN) e o DNI do titular de dita conta.