VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
A avenida Doutor Tourón recupera os dous sentidos de circulación tras a elevación do paso de peóns de Matosinhos
Esta tarde está prevista a reapertura da Avenida Doutor Tourón á altura do cruce con Matosinhos ao darse por rematados os traballos de elevación do paso de peóns situado fronte as Torres Caixanova. A vía recupera os dous sentidos da circulación habituais, polo que xa non será preciso desviar o tráfico por López Cuevillas e Vista Alegre. A obra na vía aínda terá que completarse co asfaltado da calzada, traballos que elevarán o nivel da mesma e que, consecuentemente, reducirán a altura actual do paso elevado.

18.09.2019. A elevación da plataforma e do paso de peóns no cruce de Matosinhos é unha das medidas de seguridade viaria prevista no proxecto de Rexeneración Urbana no Parque de Matosinhos e Rúas da Contorna que está a levar a cabo o Concello de Vilagarcía. A medida era especialmente necesaria ao tratarse a Avenida Doutor Tourón dunha das arterias con maior intensidade de tráfico da cidade e ao ser este paso de peóns o punto de cruce obrigatorio para os centos de nenos e nenas que acoden a diario aos centros educativos situados no recinto da Lomba, ademais de atoparse a carón da parada do transporte urbano que tamén será remodelada con criterios de accesibilidade.

O carril de saída da cidade neste tramo de Doutor Tourón quedou inutilizado o pasado 3 de setembro para poder acometer a obra, quedando operativo o sentido de entrada á cidade. O desvío, que se limitaba a bordear a mazá, non provocou ningún tipo de incidencia no tráfico durante os 15 días nos que se desenvolveron as obras. Este prazo foi necesario debido ao tempo que se necesitou para a preparación do terreo e para o correcto fraguado e secado do formigonado da plataforma.

< volver

+ titulares