RELACIÓNS INSTITUCIONAIS
O concello reparte 232.300 euros entre 25 ONGs e asociacións que operan na cidade O goberno local xa aprobou as subvencións directas que este ano van recibir vinte e cinco ONGs e asociacións ou entidades que operan no municipio. A Cruz Vermella é, con diferenza, a que máis obtén, con 90.600 euros; as que menos, as asociacións de Loita contras as Enfermidades do Ril, as de Atención aos afectados polo Déficit de Atención e Hiperactividade – TDAH Salnés, e ou a de enfermos de Alzheimer, con 500 euros cada unha.
16.10.2019.- Cruz Vermella recibe una dobre subvención: 84.000 euros para o sostemento do albergue e outros 6.600 para os gastos do proxecto de coordinación. Nun caso similar está Cáritas, cuxa labor é premiada con 35.000 euros para o comedor social e outros 2.400 para o mantemento do centro de acollida de San Cibrán, en Sobradelo. O número 2 no ranking é, sen embargo, a Asociación de Discapacitados Síquicos “Con Eles”, que recibirá 40.000 euros como a axuda para a construción do novo centro de atención e outros 2.500 para o desenvolvemento ordinario das súas actividades.
A partir de aquí, as axudas son sensiblemente inferiores: A Fundación do Asilo de Anciáns recibe 15.000 euros para o mantemento da residencia, e a asociación LAR, 3.000. As fundacións “Amigos de Galicia”, “Monte do Gozo” e “Contra o Narcotráfico” reciben 2.500, 1.500 e 1.500 euros. Igualmente cantidade a esta última se destina á Asociación de Solidariedade Galega con Pobo Saharaui para os seu programa de “Vacacións en Paz”. Outras entidades que tamén reciben subvención son Amencer (2.500 euros); APA do Centro de Saiar (1.500); Asocación Galega de Linfedema (1.300); e Asociación de Déficit de Atención e Hiperactividade de Pontevedra (500).
Por outra banda, o goberno de Alberto Varela tamén aprobou a renovación das axudas directas á asociación de comerciantes Zona Aberta (15.000 euros); á Asociación de Hostalería e Iniciativas Turísticas-Ahituvi (5.000); e á Confraría de Carril (para a organización da Festa da Ameixa), outros 5.000 euros.
O Concello xa comezou a liberar eses cartos unha vez que os expedientes de cada unha das subvencións van sendo aprobados pola Xunta de Goberno Local.