CULTURA
Cultura convoca o concurso de carteis da Cabalgata de Reis de 2020 A Xunta de Goberno Local aprobou o luns as bases que rexerán o Concurso de Deseño de Carteis da Cabalgata de Reis 2020 que convoca anualmente a Concellería de Cultura para seleccionar o debuxo co que se anunciará a esperada visita a Vilagarcía das Súas Maxestades Melchor, Gaspar e Baltasar. Como nas últimas edicións, será un certame aberto, no que poderán participar a título individual nenos e nenas de 7 a 11 anos empadroados en Vilagarcía. O prazo de presentación de traballos remata o 5 de decembro.
16.11.2019.- O concurso de carteis convócase a título individual é dicir que calquera neno ou nena empadroado en Vilagarcía e con idade comprendida entre os 7 e os 11 anos poderá presentar directamente un ou varios debuxos. Só deberán cumprir os requisitos que se establecen nas bases. Os principais son que os traballos deben presentarse en formato A3, teñen que incluír no deseño o texto "Domingo, 5 de xaneiro ás 19:00 horas" e non pode figurar a firma do autor. Os datos persoais débense facer constar no reverso do traballo (nome e apelidos, enderezo e un número de teléfono).
Os concursantes poderán presentar cantas obras desexen, sempre a título individual, posto que non se admitirán debuxos realizados por grupos. Os interesados en participar poden presentar os traballos a partir de xa nas dependencias de Cultura no Auditorio, de martes a venres en horario de 9 a 13 horas. O prazo remata o 5 de decembro.
O xurado concederá un premio único, que será o debuxo que se reproducirá no cartel anunciante da Cabalgata de Reis 2020. Si así o considerase necesario, a maiores concederase un accésit. Como é costume, a Concellería de Cultura organizará unha exposición con todos os debuxos presentados ao certame. As bases do concurso poden consultarse no taboleiro de anuncios da web municipal