CULTURA
O servizo de publicacións do Concello edita o segundo número da revista poética “Anaco” O colectivo literario A Mesa das Verbas celebra o mércores, 20 de novembro, unha sesión especial co obxecto de presentar o segundo número de “Anacos”, a revista poética editada a través do Servizo de Publicacións do Concello de Vilagarcía. O acto terá lugar a partir das 21:00 horas no Salón García e, ademais do habitual recital poético, incluirá a actuación musical do coro Voces Amigas, de Vilagarcía. A entrada é libre e de balde ata completar aforo.
18.11.2019.- O primeiro número da revista poética “Anacos” veu a luz o pasado mes de xaneiro a través da colaboración da Mesa das Verbas e o Servizo de Publicacións do Concello de Vilagarcía, que se viña de crear segundo acordo plenario adoptado pola Corporación Municipal, co obxectivo de contribuír á difusión e promoción dos autores locais, así como de traballos de interese para a localidade.
No segundo número, “Anacos” recolle 35 poemas de temática diversa, firmados por 19 autores. Son: Roberto Abal, María del Carmen Abalo Noya, Tere Briones, Jean Carballo, Paula Cascallar Torre, Ángeles Conde, Carmen Darriba Amoedo, Andrea Fernández Maneiro, Luis González Bravo “Lois do Salnés”, Al Guanella, Augusto Guedes, Marisa Jamardo, Manuel Lage, Isaura Lago Álvarez, Luciano Martínez de las Heras, Antonio Pinedo, José Tizado, Ramón Torrado e Xermán Manuel Torres.