OBRAS E SERVIZOS
O Concello adquire madeira de iroko para renovar os bancos dos parques de Ravella, Matosinos e Dona Concha A Xunta de Goberno Local desta semana acordou adquirir madeira de iroko para substituír os elementos desgastados dos bancos de tres parques do municipio. A esta acción de mantemento do mobiliario urbano municipal súmase outra a levar a cabo nas instalación públicas, neste caso, o mantemento do lucernario da Casa do Concello, traballos que tamén foron adxudicados na reunión de goberno celebrada onte. As dúas actuacións suman un custe de 16.177 euros.
26.11.2019.- O subministro das táboas de madeira de iroko adxudicouse a Elitdor por importe de 14.090 euros. que disporá do prazo de dous meses para subministrar 41 láminas de 250cm de largo por 29 de ancho e outras 41 de 250cem de longo por 20 de ancho. En ámbolos dous casos a madeira terá un grosos de 3,5 centímetros e deberá ir convenientemente tratada para garantir a resistencia á intemperie. O contrato inclúe o lixado, imprimado e remate final, así como a propia colocación nos bancos. A medida levarase a cabo nos bancos dos Xardíns de Ravella e nos parques de Matosinhos e Dona Concha.
Por outra banda, as labores de mantemento do lucernario do edificio do Concello adxudicáronse á firma Gruporesa S.L. por importe de 2.087 euros. Os traballos teñen como finalidade evitar as filtracións de auga da chuvia que se están a producir debido ao desgaste dos materiais e que provocan pingueiras que caen no solado do patrio da zona administrativa principal, onde se sitúan os servizos de secretaría e o Rexistro. Os traballos consistirán na retirada da rede de sombreado, desmontaxe dos ángulo de selado da cúpula, limpeza da silicona existente, colocación dos ángulos e selado dos mesmos e co,locaico´n da rede de sombreado.