ECONOMÍA
O concello colaborou economicamente na posta en marcha de 14 proxectos locais de emprendemento durante o 2019 O programa de axudas municipais á creación de empresas que convoca anualmente a Área de Promoción Económica e Desenvolvemento Local do Concello pechouse en 2019 coa concesión de 14 subvencións a outros tantos proxectos locais de emprendemento. A suma repartida entre os beneficiarios ascendeu a 29.244 euros cos que o Concello contribuíu á posta en marcha de negocios e empresas de nova creación mediante o financiamentos dos custes correntes de inicio da actividade. A contía máxima da axuda é de 2.500 euros por proxecto.
09.01.2020.- Entre os negocios de nova creación que obtiveron as axudas atópanse iniciativas de diversas ramas do sector servizos, como establecementos comerciais de téxtil, xoiería, pastelería, centro de fisioterapia, local de hostalería, despacho de avogados, centro de ioga e inmobiliaria.
A suma de cada subvención depende de cada caso, aínda que a media se situou nos 2.000 euros, xa que das 14 axudas concedidas, 6 obtiveron a cantidade máxima de 2.500 euros e outras 4 superaron os 2.000. Solo as 4 restantes estiveron por debaixo desta última suma.
O obxectivo destas axudas é dinamizar a economía local e favorecer a creación de emprego.