VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
O concerto de Nacho Vegas do 22 de marzo trasládase ao Auditorio debido á convocatoria de eleccións
A convocatoria das eleccións autonómicas para o vindeiro 5 de abril e o procedemento legal que deben seguir os concellos en canto á disposición de locais para a celebración dos actos dos partidos durante a campaña obriga a trasladar de escenario o segundo dos concertos do programa “Achégate ao Salón” que se celebran no Salón García. Dado que esta sala está habilitada como local electoral, o concerto de Nacho Vegas previsto para o 22 de marzo celebrarase finalmente no Auditorio Municipal.

14.02.2020.- O cambio non afectará ás persoas que xa teñan adquiridas as súas localidades ou abonos posto que Ataquilla estableceu un sinxelo procedemento para reasignalos á configuración da nova sala respectando a numeración e facéndoa corresponder coa situación no emprazamento inicial. A partir de hoxe, Ataquilla comezará a comunicar aos compradores vía mail ou por teléfono o cambio e a remitirlles a entrada coa nova numeración.

Dado o maior aforo do que dispón o Auditorio, segue aberta a venta polo sistema habitual do resto das localidades dispoñibles, é dicir a través da plataforma http://www.ataquilla.com e do teléfono 902504500.

Mantéñense os prezos establecidos para os concertos do programa ”Achégate ao Salón”: adultos, 12 euros; menores de 16 anos, 5 euros; e desempregados de balde acreditando a condición de parados. A venta anticipada conleva os correspondentes custes de xestións. De non esgotarse antes, tamén se porán á venta o mesmo día do concerto na billeteira do Auditorio a partir das 10.30 horas.

Por outro lado, lémbrase que este domingo, 16 de febreiro ábrese o ciclo de concertos matutinos coa actuación de Marem Ladson no Salón García a partir das 12.30 horas.

< volver

+ titulares